Kane përjetuar momente terrori studentet dhe pedagoget e nje universiteti mëngjesin e kesaj te mërkure ne veriperëndim te Pakistanit. Nje grup personash te armatosur sulmuan rojat e sigurisë dhe hyne me pas brenda kampusit, duke hapur zjarr ndaj studenteve dhe profesorëve. Te paktën 20 persona gjeten vdekjen dhe mbi 50 te tjere u plagosen. Pas ndërhyrjes se forcave te rendit, rreth 200 studente dhe pedagoge te tjere u evakuuan ne kohe. Beteja me terroristet zgjati per disa ore. Mediat raportuan se u dëgjuan edhe shpërthime. 6 nga pjesëtaret e grupit besohet te jene vrare. Policia vijoi kontrollet rreth universitetit ne Charsada, ndërsa helikopterët patrullonin zonen ku ndodhi masakra. Ne nje deklarate kryeministri pakistanez Nawaz Sharif theksoi se qeveria e tij eshte e vendosur t’i beje balle kërcënimit terrorist ndaj vendit. Ende mbetet e paqarte se kush qëndron pas ketij sulmi. Fillimisht mediat njoftuan se ai ishte kryer nga nje grup talebanesh, por zedhenesi i tyre mohoi te jene përfshirë ne kete ngjarje.
Prej disa ditesh nje pjese e shkollave ne Pakistan kane qene te mbyllura per shkak te raportimeve se militantet po planifikonin te kryenin nje sulm. Ne vitin 2014 nje sulm i ngjashem ndodhi ne nje shkolle ne Peshawar, ku mbeten te vrare 150 vete.
