Sulmohet me sende të forta efektivi i policisë në Shkodër (EMRI)

Një efektiv policie është sulmuar me sende të forta pasditen e sotme në Shkodër. Vizion Plus mëson se bëhet fjalë për efektivin Admir Okaj.

Ky i fundit është qëlluar me mjete të forta në kokë nga persona ende të paidentifikuar. Ngjarja ndodhi në afërsi të banesës së tij në zonën e Zdrales.

Fatmirësisht efektivi ndodhet jashtë rrezikut për jetën. Pasi ka marrë mjekim në kokë në spitalin e Shkodrës është larguar ndërsa po jep dëshminë e tij për policinë.

Okaj ka shërbyer për shumë vite me forcat e FNSH në Shkodër ndërsa prej disa kohësh shërben në qarkun e Elbasanit.

Policia është duke hetuar ndërsa efektivët kanë sekuestruar kamerat e sigurisë në zonën përreth. Janë ende të paqarta arsyet e kësaj ngjarje./vizionplus.tv