Dy jordanezë ndërruan jetë dhe një hebre është plagosur rëndë, si pasojë e një incidenti në Ambasadën e Izraelit në Aman të Jordanisë. Sipas ministrisë së Jashtme të Izraelit mësohet se dy punëtorë ndodheshin në ambientet e ambasadës për të ndërruar një pjesë të mobilieve. Por, ata janë konfrontuar me rojen, duke e sulmuar me kaçavidë. Gjatë konfrontimit mes tyre mbeti i vdekur një 17 vjeçar jordanez dhe qiradhënësi i ndërtesës.
Ministria e Jashtme sqaron se roja ka vepruar për t’u vetëmbrojtur, si dhe ka imunitet nga hetimi e arrestimi, kjo bazuar në Konventën e Vjenës të vitit 1961. Rrethanat e ngjarjes nuk janë sqaruar ende plotësisht. Dhjetëra policë kanë rrethuar ndërtesën dhe kanë evakuuar stafin.
Incidenti i një nate më parë vjen në një kohë kur tensionet mes Izraelit e botës myslimane janë rritur pas vendosjen e detektorëve metalikë në xhaminë e shenjtë El-Aqsa. Ndërsa të premten, mijëra jordanezë protestuan në rrugën e Ammamit për të denoncuar masat ekstreme izraelite në kompleksin e xhamisë Haram Al-Sharif.
