Sulmi terrorist në Stamboll, identifikohet kamikazi

Identifikohet kamikazi qe shpërtheu veten ne zemër te Stambollit, duke u marre jeten10 personave dhe plagosur 15 te tjerë. Autoritetet turke thane se ai është 28-vjeçari Nabil Fadli, pjese e Shtetit Islamik. I lindur ne Arabinë Saudite, xhihadisti kishte mbërritur prej pak kohesh ne Turqi përmes Sirisë.
Nga hetimet vijojnë te zbulohen lidhjet e kamikazit me militante te ISIS, ndonëse ai nuk rezulton te kete qene ne listën e te dyshuarve qe mbahen nen mbikëqyrje nga policia.
Mes 10 viktimave, 8 prej tyre jane turiste gjermane, ndërsa mes te plagosurve ka gjithashtu shtetas gjermane, nje norvegjez dhe nje peruan. Sulmi terrorist i kësaj te marte, ndodhi ne zonën turistike “Sulltan Ahmet”, e cila ndodhet mes xhamisë blu dhe katedrales Haja Sofia. Kamikazi hodhi veten në erë në mes të një grupi turistësh gjermane. Policia rrethoi gjithë vendin e ngjarjes, ndërsa njësitë antiterror u vunë ne gjendje gatishmërie. Mbi Stamboll fluturuan edhe helikopterë, të cilët monitoronin situatën nga ajri. Ekspertët antieksploziv mbërritën gjithashtu në zonën e shpërthimit. Menjëherë pas sulmit, kryeministri turk Ahmdet Dautoglu, mbajti një mbledhje urgjente qeverie, ku mori pjese edhe shefi i shërbimit të brendshëm. Pas kësaj ngjarjeje, në faqen zyrtare të saj Ministria e Jashtme gjermane këshilloi turistët të mos qëndrojnë në grupe të mëdha, nga frika e sulmeve të mundshme terroriste. Kjo nuk është hera e parë që Turqia goditet nga shpërthime të tilla. Në muajit tetor, dy sulme të njëpasnjëshme ndodhën në Ankara me pasojë vdekjen e 100 personave, ndërsa në korrik, 30 të tjerë u vranë në një sulm terrorist gjatë një tubimi në kufi me Sirinë. Vitin e shkuar Ankaraja mori një rol aktiv ne luftën kundër Shtetit Islamik, duke kryer sulme ajrore dhe lejuar avionët amerikane te përdornin nje baze te saj për misione te ndryshme.