Sulmi terrorist në kanalin e ujit në Kosovë, nis procesi gjyqësor ndaj tre të pandehurve

Në Kosovë po mbahet sot seanca e parë për shpërthimin në kanalin Ibër–Lepenc në veri të vendit, që konsiderohet nga autoritetet si sulm terrorist.

Në Gjykatë  janë të pranishëm  dy nga tre të  pandehurit.

Prokuroria Speciale e Kosovës i akuzon ata për “rrezikim të rendit kushtetues përmes shkatërrimit ose dëmtimit të instalimeve dhe pajisjeve publike”, “kryerje e aktit terrorist”, “armëmbajtje pa leje” dhe “spiunazh”.

Sipas aktakuzës, të pandehurit, së bashku me persona të tjerë ende të panjohur, vendosën rreth 20 kilogramë eksploziv në kanal, duke e dëmtuar rëndë atë.