Sulmi terrorist në Ankara, Partia Popullore e Kurdistanit merr përgjegjësinë: Akt sakrifice

Partia Popullore e Kurdistanit ka marrë përgjegjësinë për sulmin terrorist në Ankara. Lajmi është bërë i ditur nga një media vendase, ndërsa akti është konsideruar si sakrificë.

“Një akt sakrifice u krye kundër Ministrisë së Brendshme turke nga një grup i lidhur me Brigadën e të Pavdekshmëve ,” tha grupi i armatosur për median e lidhur me kurdët ANF .

Një sulm terrorist tronditi këtë të hënë kryeqytetin turk Ankara në afërsi të parlamentit. Si pasojë e shpërthimit mbetën të plagosur lehtë dy oficerë policie.

Dy ishin kamikazët, njëri prej të cili arriti ta hidhte veten në erë përpara ambjenteve të Ministrisë së Brendshme ndërsa tjetri u neutralizua në kohë.

Siç raportojnë mediat turke në zonë u gjetën shumë pako dhe çanta të dyshimta të cilat u shpërthyen në mënyrë të kontrolluar.

Autoritetet turke rrethuan zonën dhe kanë rritur sigurinë si në Ministrinë e Brendshme ashtu edhe për parlamentin ku do të mbahej sot seanca e parë pas pushimeve të verës.