Asnjë shqiptar nuk është lënduar nga sulmi terrorist i ndodhur në Stokholm këtë të premte. Këtë e konfirmon Ambasada e Shqipërisë në Suedi, që po e ndjek situatën në vijimësi. Ministria e Jashtme shqiptare shpreh indinjatën e thellë ndaj aktit terrorist. Ministri Bushati u shpreh i shokuar nga kjo ngjarje dhe theksoi se Shqipëria qëndron me vendosmëri përkrah vendeve mike dhe aleate në luftë kundër terrorizmit.
