Të shumta kanë qenë reagimet për sulmin ndaj gazetares Klodiana Lala.
Këtë herë ka qenë LSI e cila ka reaguar pas sulmit me armë zjarri në banesën e prindërve të gazetares Lala. Kanë qenë dy deputetët e LSI-së Shezai Rrokaj dhe Petrit Vasili, të cilët përmes statuseve në rrjetin social kanë shprehur mbështetjen e tyre ndaj gazetares së sulmuar.
Vasili ka shkruar se gazetaren Klodiana Lala po e mbështesin të gjithë shqiptarët dhe se kjo është një ditë e keqe për të gjithë.
“Me Klodiana Lalen jane te gjithe shqiptaret,por jo kriminelet ne pushtet dhe ne rruge. Dite e keqe per lirine e gjithsecilit nga ne. Shqiperia dhe demokracia eshte goditur ne zemer. Klodiana Lala sot nuk eshte vetem, me te jane bashke te gjithe shqiptaret.”
Nda ana tjetër Rrokaj ka vlerësuar edhe njëherë punën e saj si gazetare duke dënuar aktin ndaj saj dhe duke i bërë thirrje Prokurorisë të bëjë detyrën.
“Plot 10 plumba në banesën ku ishin prindërit dhe vëllai i saj. Dënoj me forcë këtë akt mafioz, duke i shprehur gjithë solidaritetin e mbështetjen time gazetares Klodiana Lala si dhe vlerësimin për punën saj plot pasion e përkushtim në çështjet investigative, sidomos ato që lidhen me drogën dhe krimin e organizuar. I bëj apel Policisë dhe Prokurorisë të zbulojnë kërcënuesit dhe t’i vënë para drejtësisë.”
