Sulmi kundër Al-Baghdadit, arrestohen dy persona
Gjatë sulmit të të ushtrisë amerikane në vendndodhjen e Abu Bakr al-Baghdadit, liderit të grupit militant Shteti Islamik, janë arrestuar dy persona.
Forcat speciale amerikane sulmuan lokacionin e Al-Baghdadit në veriperëndim të Sirisë, më 26 tetor, ndërkohë udhëheqësi i shefave të shtabeve të ushtrisë amerikane, gjenerali Mark Milley, tha se ata ndodhen në paraburgim në SHBA.
Milley – oficeri më i lartë i ushtrisë amerikane është shprehur se Al-Baghdadi e vrau veten gjatë sulmit, ndër të tjera ai ka konfirmuar se nuk ka plane për publikimin e pamjeve nga vrasja e Al-Baghdadit. Sipas tij fotografitë dhe videot po kalojnë një “proces deklasifikimi”.
“Mbetjet e Al-Baghdadit janë transportuar në një objekt të sigurt për të konfirmuar identitetin e tij me testimin mjeko-ligjor të ADN-së”, tha Milley.
Ndërkohë një ditë më parë presidenti amerikan, Donald Trump, tha më herët se disa xhirime nga sulmi mund të publikohen.
