Sulme terroriste në Indonezi

Kryeqyteti indonezian Xhakarta është goditur nga një vale sulmesh terroriste, qe kane shkaktuar te paktën 7 te vdekur, 5 prej te cilëve janë autoret e këtyre sulmeve dhe dy civile, i pari indonezian ndërsa i dyti kanadez. Ndërkohe 20 persona te tjerë kane mbetur te plagosur, prej të cilëve 5 police. Sulmet sipas policisë, kane qene nje imitim i atyre te 13 nëntorit ne Paris, pasi janë dëgjuar disa shpërthime, ku jane përfshire edhe kamikazë, si dhe ka pasur shkëmbim zjarri me forcat e policisë. Sikurse behet me dije shënjestër e sulmeve kane qenë shtetasit e huaj. Ne radhët e te lënduarve janë persona me kombësi gjermane, austriake, holandeze dhe algjeriane. Ato po kurohen ne spitalin ushtarak ne Xhakarta dhe janë jashtë rrezikut për jetën. Shpërthimet ndodhen ne nje zone te rëndësishme tregtare me biznese te shumta, ku gjenden selite e ambasadave te huaja dhe zyra te OKB-se. Nje nga shpërthimet ndodhi ne nje kafe jashtë nje qendre tregtare dhe nje i dyte pranë nje poste policore. Besohet se grupi i sulmuesve përbehej nga 14 persona te armatosur me granata. Forcat e policisë, snajeperat dhe automjetet e blinduara u vendosen ne rrugët e kryeqytetit. Pas disa orësh terrori, tashme situata është nen kontroll. Kater persona te dyshuar per sulmet jane prangosur, por disa te tjere mendohet te jene larguar. Presidenti Joko Widodo i cilësoi keto ngjarje akte terrori. Sulmet u morën përsipër nga Shteti Islamik, përmes nje njoftimi ne nje agjenci te afërt me ISIS. Pas masakrës se Parisit edhe Indonezia, qe është përballur me herët me sulme terroriste, forcoi masat e sigurise.