Sulm terrorist në Turqi

Një tjetër sulm terrorist ka tronditur Turqinë juglindore. Një shpërthim i fuqishëm ka ndodhur në qendër të provincës Dijarbakir me shumice kurde, në momentin kur një automjet policie po patrullonte në atë zonë, duke shkaktuar 7 policë të vrarë dhe 13 civilë të plagosur. Eksplozivi ishte vendosur pranë një stacioni autobusi. Ambulancat kanë mbërritur në vendin e ngjarjes dhe u kanë dhënë ndihmën e parë të lënduarve. Krahas viktimave janë shënuar dhe dëme te konsiderueshme materiale. Ndonëse nuk ka një konfirmim zyrtar, Ankaraja beson se pas këtij sulmi terrorist fshihen militantët kurd. Muajt e fundit në këtë rajon janë zhvilluar disa aksione radhazi nga njësitë antiterror për prangosjen e militanteve kurd.