Sulm rus me raketa balistike ndaj Kievit, të paktën 11 të vdekur dhe dhjetëra të plagosur
Të paktën 11 persona humbën jetën dhe 46 të tjerë janë plagosur, nga një sulm i ri rus ndaj Kievit në orët e para të mëngjesit, ndërsa autoritetet ukrainase kishin shpallur alarm për lëshimin e raketave balistike.
Sipas kreut të administratës ushtarake të Kievit, Timur Tkaçenko, sulmi shkaktoi vdekjen e të paktën 11 personave. Ai njoftoi përmes Telegramit se Rusia kishte lëshuar raketa balistike drejt kryeqytetit ukrainas.
Gazetarët në Kiev raportuan se pas alarmit u dëgjuan të paktën dhjetë shpërthime, ndërsa më pas pasuan edhe të tjera. Kryetari i bashkisë së Kievit, Vitali Kliçko, konfirmoi se mbrojtja ajrore u aktivizua për të zmbrapsur sulmin.
Nga bombardimet u dëmtua një ndërtesë banimi në lagjen Podilski, ku disa banorë mbetën të bllokuar në katet e sipërme. Gjithashtu shpërthyen zjarre në një magazinë dhe në objekte të tjera.
The moment when a Russian Shahed/Geran-type strike drone impacted a multi-storey residential building of the “Slavutych” residential complex in Kyiv tonight.
The OWA-UAV hit the building at the upper floors.
Another case of a Russian strike on residential building in the… pic.twitter.com/tAFk2DfjAh
— Status-6 (War & Military News) (@Archer83Able) July 6, 2026
Sipas autoriteteve lokale, shtatë persona u plagosën në Kiev, ndërsa dy prej tyre u dërguan në spital për trajtim.
Ndërkohë, në rajonin Buçanski të periferisë së Kievit, një person u vra dhe dhjetë të tjerë u plagosën. Gjashtë nga të plagosurit u transportuan në spital.
Rusia vazhdon sulmet e saj ndaj Ukrainës që nga fillimi i pushtimit në shkurt të vitit 2022. Vetëm pak ditë më parë, Kievi u godit nga një sulm masiv me raketa dhe dronë, ku humbën jetën 30 persona dhe rreth 100 të tjerë u plagosën, duke e bërë atë sulmin më vdekjeprurës ndaj kryeqytetit ukrainas që nga nisja e luftës.
/vizionplus.tv
