Ka shkuar në 58 numri i viktimave që humbën jetën gjate sulmit që tronditi Las Vegasin, ndërsa mbi 550 te tjerë janë plagosur.

 

Autori i sulmit tragjik i identifikuar si Stefan Padok, 64 vjeç i dha fund jetës menjëherë pasi derdhi breshërinë e plumbave drejt njerëzve që po ndiqnin një koncert të muzikës Country. Policia gjeti në dhomën e hotelit në katin e 32-të, të paktën 10 armë zjarri dhe po heton nëse pas kësaj tragjedie fshihen edhe persona të tjerë.

 

Të afërmit e agresorit u thanë mediave se ai sillej si njeri shumë normal dhe nuk kishte probleme me ligjin.

 

Megjithëse ISIS pretendon se ka kryer sulmin, FBI ka njoftuar se  nuk ka lidhje me aktet terroriste.

 

Presidenti i Shteteve të Bashkuara, Donald Trump, në një deklaratë për media kushtuar tragjedisë, u shpreh se kjo masakër është një akt i pastër djallëzor.

 

 “Miqtë e mi amerikane, të dëshpëruar, të shokuar, pasi një njeri i armatosur hapi zjarr natën e kaluar në një koncert ne Las Vegas, ku u vranë 50 persona dhe më shumë se 100 të tjerë mbetën të plagosur. Ky është një akt i pastër djallëzor. Autoritetet po investigojnë për të zbardhur ngjarjen e tmerrshme. Përcjell ngushëllimet e mia më të thella për ata që kanë humbur jetën në sulmin në Las Vegas dhe për familjet e tyre. Melania dhe unë po lutemi për viktimat dhe të plagosurit.”

 

Të paktën 22 mijë persona ishin grumbulluar në një shesh për të ndjekur koncertin.

 

Dëshmitarët okulare qe panë tmerrin me sy rrëfyen se të shtënat zgjatën të paktën 5 minuta.

 

Policia është vënë në ndjekje të bashkëshortes së autorit të masakrës, Marilou Danley, e cila besohet se mund te kete lidhje me ngjarjen.

 

Leave a Reply

Your email address will not be published.