Sulm terrorist në Gjermani

Gjermania është tronditur nga një sulm terrorist kur të paktën tre persona kanë hapur zjarr në një qendër tregtare në Mynih, duke shkaktuar të paktën 8 viktima dhe dhjetëra të plagosur. Shtetasit që hapën zjarr besohet se janë neo-nazistë gjermane dhe dyshohet se shënjestrat e tyre jane emigrantët. Njësitë antiterror, rrethuan godinën, evakuuan personat, por nuk mundi të ndalonte autorët. Ata u larguan pa lënë gjurmë mes turmave dhe i shpëtuan edhe helikopterëve të cilët mbikëqyrnin zonën nga ajri. Disa burime raportuan se tre autorët e këtij sulmi janë parë në stacionin hekurudhor të Mynihut. Kaq ka mjaftuar që operacioni policor të shtrihej në të gjithë qytetin. Transporti publik u pezullua, ndërsa qytetarëve ju njoftua gjendja e alarmit për shkak të kërcënimit terrorist. Policia i bëri thirrje banoreve të shmangen vendet publike deri në përfundimin e këtij operacioni. Ndërkohe disa media raportojnë se njëri prej sulmuesve është vetëvrare, por ky informacion, nuk është konfirmuar ende nga policia. Zyrtarisht thuhet se operacioni për kërkimin e tre autorëve vijon. Të menjëhershme kanë qenë reagimet e liderëve ndërkombëtar, mes të cilëve dhe presidenti i Shteteve të Bashkuara të Amerikës, Barak Obama, i cili tha se Uashingtoni mbështet plotësisht qeverinë gjermane dhe se shpirtërisht i gjithë populli amerikan qëndron përkrah atij në gjermani.