Njëmbëdhjetë palestinezë u vranë në sulmet izraelite në Gaza të dielën në mëngjes, sipas zyrtarëve palestinezë të mbrojtjes civile dhe shëndetësisë.
Ushtria izraelite tha se kishte goditur objektiva terroristësh në përgjigje të shkeljeve të armëpushimit nga Hamasi dhe se militantët ishin vrarë pasi dolën nga një tunel në zonën e Rripit të Gazës.
Gjysmëhëna e Kuqe Palestineze tha se një sulm ndaj një kampi me tendë në Gazën veriore vrau të paktën gjashtë persona, ndërsa një sulm tjetër në jug të Rripit vrau pesë.
Si Izraeli ashtu edhe Hamasi kanë akuzuar njëri-tjetrin për shkelje pothuajse të përditshme të një marrëveshjeje të brishtë armëpushimi.
Ministria e shëndetësisë në Gaza, e drejtuar nga Hamasi, ka thënë se të paktën 600 persona janë vrarë që kur armëpushimi hyri në fuqi ne tetor te vitit te kaluar.
Sulmet e fundit erdhën ndërsa vazhdojnë përgatitjet për zbatimin e fazës së dytë të armëpushimit të ndërmjetësuar nga Shtetet e Bashkuara.
Lufta filloi pas sulmit të udhëhequr nga Hamasi në Izraelin jugor më 7 tetor 2023. Izraeli iu përgjigj sulmit duke nisur një fushatë ushtarake në Gaza, gjatë së cilës janë vrarë më shumë se 70 mijë persona.
