Masakër ne nje klub nate te frekuentuar nga homoseksuale ne SHBA. Një person i armatosur hapi zjarr ndaj tyre, duke lëne te vdekur te paktën 50 vete dhe plagosur dhjetëra te tjerë. Ngjarja e rende ndodhi ne Orlando të Floridës, ku u shpall gjendja e jashtëzakonshme. Agresori, i identifikuar si Omar Mateen kishte marre peng edhe disa persona. Ai mbeti i vrare tre ore pas ngjarjes gjate shkëmbimit te zjarrit me policinë. Dëshmitaret rrëfyen se kishin dëgjuar dhjetëra te shtëna, ndërsa dyshohej qe autori te ketë pasur ne trup nje rrip me eksploziv. Policia u beri thirrje qytetareve te qëndronin larg vendit te ngjarjes, per shkak te situatës se rrezikshme. Forcat e rendit kryen nje shpërthim te kontrolluar përpara se te hynin brenda ne lokal. Pasi qëlluan vrasësin, ata nxorën jashtë lokalit personat qe ishin te bllokuar. Ambulancat mbërritën menjëherë per te transportuar te plagosurit drejt spitalit. Sipas nje zedhenesi te policisë, behet fjale per nje akt terrorist, pasi sulmi ishte i mireorganizuar. Ne zbardhjen e tij janë përfshire edhe agjente te FBI-se. I pyetur nëse incidenti kishte lidhje me terrorizmin islamik, një agjent tha se agjencia kishte të dhëna se personi mund të ketë qenë i prirur ndaj një ideologjie të tillë. Ai ishte amerikan me prejardhje afgane, por nuk bënte pjese ne listën e personave nen mbikëqyrje per terrorizëm. Policia ka sekuestruar armët e sulmuesit qe besohet te jete 29 vjeç, një pistoletë dhe një pushkë. Kjo ngjarje, nder me te rëndat e viteve te fundit, ndodh ne muajin e paradave te homoseksualeve, dhe vetëm nje dite pas nje tjetër ngjarjeje qe tronditi qytetin, vrasjen e këngëtares 22-vjeçare Christina Grimmie.
