Rreth 100 persona janë vrarë gjatë një sulmi të ndodhur në një fshat në Mali-n qëndror.
BBC duke u ndalur tek agjencia e lajmeve franceze RFI, bën me dije se sulmi ka ndodhur në fshatin Sobale Kou, në afërsi të qytetit Sanga.
Agresorët pas sulmit kanë djegur të gjithë trupat e personave të vrarë, ndërsa raportohet se numri viktimave mund të rritet në orët në vijim.
Sipas BBC, sulmi mund të ketë ndodhur ose për arsye etnike ose nga grupet xhihadiste.
Gjatë muajve të fundit sulme të tilla kanë qenë të shpeshta në vendet e Afrikës.
Përleshjet mes gjuetarëve të Dogon dhe gjysëm-nomade Fulani kanë qenë më të shpeshta.
Në të njëjtin rajon gjatë muajit mars, më shumë se 130 fshatarë Fulani u vranë nga njerëz të armatosur që mbanin veshje tradicionale të gjahtarëve Dogon.
