Dy të vdekur dhe një i plagosur është bilanci i një sulmi të armatosur në qytetin zviceran të Sionit.
Autori është ende i paidentifikuar.
Autoritetet janë vënë në alarm, ndërkohë që po punohet për kapjen e tij.
Sipas raportimeve të mediave zvicerane, sulmuesi qëlloi disa herë drejt njerëzve në dy pjesë të ndryshme të qytetit, që ndodhen në pjesën jugore të Zvicrës.
Sulmi ka ndodhur pak para orës 8 të mëngjesit, dhe arsyeja është ende e panjohur.
Policia e kantonit Valais është mobilizuar menjëherë për të arrestuar autorin, i cili në bazë të konstatimeve të para i ka njohur viktimat e tij.
Në të njëjtën kohë, prokuroria hapi një hetim për vrasje./vizionplus.tv
