Sulm ajror izraelit ndaj rebelëve Houthi, në shënjestër rezervuarët e karburantit dhe centralet energjetike
Forcat izraelite kryen sulme ajrore në kryeqytetin e Jemenit, Sanaa, të kontrolluar nga rebelët Huthi, të dielën.
Forcat izraelite goditën instalimet ushtarake pranë pallatit presidencial, rezervuarët e karburantit dhe dy termocentralet.
من العدوان الصهيوني الغاشم على منشآت الطاقة في صنعاء pic.twitter.com/G222gwlREI
— AHMAD SLMAN (@ahmadslmanx) August 24, 2025
Reklamë
Sulmi u ndoq nga qendra e komandës së IDF-së në Tel Aviv nga kryeministri Benjamin Netanyahu, ministri i Mbrojtjes Israel Katz dhe shefi i Shtabit Eyal Zamir.
צופה בתקיפת מטוסי חיל האוויר בתימן מהבור בקריה, ביחד עם ראש הממשלה והרמטכ”ל pic.twitter.com/aF0RwUv0zH
— ישראל כ”ץ Israel Katz (@Israel_katz) August 24, 2025
Televizioni Al-Masirah, që udhëhiqet nga rebelët Huthi konfirmoi më vonë sulmin, megjithëse nuk dha detaje se çfarë u godit ose nëse pati viktima.
Rebelët Huthi kanë lëshuar raketa e dronë drejt Izraelit dhe kanë shënjestruar anije në Detin e Kuq për më shumë se 22 muaj. Ata thonë se sulmet kryhen në shenjë solidariteti me palestinezët, që po përballen me luftë në Rripin e Gazës që nga tetori i vitit 2023.
صنعا۽ الان #صنعاء_الان pic.twitter.com/H0XvJwP0W8
— الشهراني (@lshrny114606) August 24, 2025
Këto raketa dhe dronë të lëshuar nga rebelët zakonisht rrëzohen para se të arrijnë në Izrael.
Një zyrtar i Forcave Ajrore të Izraelit, duke folur në kushte anonimiteti, tha se predha e lëshuar nga Jemeni drejt Izraelit të premten mbrëma paraqiti një kërcënim të ri. Raketa ishte e mbushur me municion thërrmues.
Kjo ishte hera e parë që rebelët Huthi, lëshuan predha të tilla drejt Izraelit, që kur grupi militant filloi të gjuante raketa drejt Izraelit në vitin 2023, tha zyrtari.
Përdorimi i municioneve thërrmuese e bën të vështirë që Izraeli t’i rrëzojë ato dhe po ashtu është tregues, sipas zyrtarit, se rebelët Huthi kanë siguruar teknologji shtesë nga Irani.
