Kosova arriti mbrëmjen e të martës një sukses në Ligën e Kombeve duke shkruar kështu historinë.
Fitorja e arritur përballë ekipit të Azerbajxhanit me rezultatin e thellë 4 me 0, bëri që dardanët të mbyllin grupin të parët me 14 pikë, duke siguruar në të njëjtën kohë të drejtën për të luajtur në ligën C.
Heroi i ndeshjes ishte padyshim Arbër Zeneli, i cili shënoi dhe një tripletë personale duke dhuruar spektakël në stadiumin “Fadil Vokrri”.
Kombëtarja e Kosovës ka një gjeneratë të talentuar lojtarësh, të cilët ëndërrojnë të shkojnë në europian nga faza e play off e Ligës së Kombeve.
Në këtë fazë rivalë të Kosovës do jenë Maqedonia, Gjeorgjia dhe Bjellorusia.
Ndeshjet gjysmëfinale e finale do të luhen në 2020-ën pak muaj para europianit ndersa fituesja e tyre shkon në këtë kompeticion.
Sipas shortit, ne duelin gjysmefinal dardanet do te përballen ne një derbi ballkanik me kombëtaren e Maqedonisë ndersa dueli tjeter do te jete ai mes Bjellorusise dhe Gjeorgjise.