Suedi, dorëhiqet ministrja e arsimit

Ministria më e re e qeverisë suedeze, ajo e arsimit, 29-vjecarja Aida Hadzialic, ka dhënë dorëheqjen nga posti që mban për shkak se ngiste makinën në gjendje të dehur. Politikania e qeverisë së qendrës së djathtë, është me origjinë nga Bosnje Hercegovina dhe ministria e parë muslimane në Suedi. Ajo kishte konsumuar dy gota verë gjate një feste para se të ndalohej nga policia, teksa ngiste makinën në urën që lidh Danimarkën me Suedinë me nivel më të lartë të alkoolit në gjak nga sa lejon ligji. Duke folur pas ndalimit të policisë, ministrja 29-vjeçare deklaroi se “dorëheqja erdhi pasi ajo e konsideron dehjen me alkool si nje çështje mjaft serioze dhe gabimin me te madh te jetës se saj”. Shteti suedez ka dënimet më të ashpra të limitit të alkoolit për shoferët, të cilët rrezikojnë dhe burgun.