Stuhia në Spanjë shemb ndërtesën, tre viktima

Stuhia Laurence vazhdon të godasë Andaluzinë. Si pasojë tre persona kanë humbur jetën nga shembja e një ndërtese bujqësore në komunën Coria del Río në Sevilje, nga era dhe shiu i fortë.

Disa javë më parë, stuhia Laurence shkaktoi vdekjen e katër personave të tjerë në pjesë të ndryshme të komunitetit andaluzian.

Ngjarja tragjike ka ndodhur në Coria del Río, rreth orës 11:35. të premten, kur një tornado shkaktoi shembjen e ndërtesës bujqësore, duke vrarë tre persona, sipas burimeve të Ministrisë së Shëndetësisë Andaluziane.

Dy nga tre personat që humbën jetën në shembjen e ndërtesës së fermës janë vëllezër, 61 dhe 59 vjeç, nga Sevilja dhe i treti është një burrë 40-vjeçar.