Studimi/ Vaksina ruse “Sputnik V”, 91.6% efektive

Vaksina ruse Sputnik V ka rezultuar 91.6 për qind e efektshme kundër koronavirusit. Rezultatet janë publikuar në The Lancet këtë të martë.

Të dhënat janë bazuar në analizën e të dhënave nga më shumë se 20.000 pjesëmarrës. Provat e fazës së tretë tregojnë që vaksinimi me dy doza ofron më shumë se 90 përqind efikasitet kundër Covid-19.

Sa iu përket efekteve anësore, raportohet se ishin të lehta, simptoma të ngjashme me ato të gripit dhe dhimbje.

Rezultatet sugjerojnë që Sputnik V është ndër vaksinat me performancën më të lartë, së bashku me Pfizer / BioNTech dhe Moderna, të cilat gjithashtu raportuan më shumë se 90 për qind të efikasitetit.

Rusia tashmë ka filluar një fushatë masive të injektimit për qytetarët mbi 18 vjeç./ Vizion Plus