Rektori i Universitetit “Luigj Gurakuqi” në Shkodër, Adem Bekteshi është sulmuar nga një studente në mënyrë të papritur.
Ngjarja ka ndodhur gjatë mbledhjes së komisionit të etikës, në universitetin “Luigj Gurakuqi”, në Shkodër e cila është shoqëruar me tensione.
Ndërkohë që pritej të merrej vendimi për përjashtimin e disa studentëve që dhunuan ambientet e universitetit, studentja i është afruar nga pas rektorit duke i derdhur bojë në kokë.
