Nxënësit e shkollave të mesme në Rusi do të fillojnë trajnimin se si të mbrohen në rast të një lufte bërthamore, si pjesë e një rinovimi të kurrikulës kombëtare, raporton shtypi rus.
Siç shkruajnë mediat, para se të diplomohen, studentët rusë do të mësojnë për “kushtet e vijës së parë dhe efektet shkatërruese të armëve të shkatërrimit në masë, si dhe metodat e mbrojtjes kundër tyre”.
“Këto do të jenë pjesë e një kursi që do të nisë në shkollat e mesme ruse, me titull: Parimet bazë të sigurisë dhe mbrojtjes së atdheut”, shkruajnë mediat ruse, duke cituar një dokument të Ministrisë së Arsimit.
Zyrtarët rusë, përfshirë ish-presidentin e vendit, Dmitry Medvedev, kanë paralajmëruar vazhdimisht se lufta bërthamore mund të shpërthejë në mes të armiqësive në Ukrainë.
Presidenti rus Vladimir Putin tha në shtator 2022 se Moska ishte e gatshme të përdorte armë bërthamore për të mbrojtur integritetin e saj territorial.
Putin thuhet se nënshkroi një ligj në gusht 2023 duke e bërë të detyrueshme lëndën e sigurisë dhe mbrojtjes në shkolla, si pjesë e rishikimit të kurrikulës kombëtare.
Si do të stërviten studentët
Të rinjve do t’u kërkohet të marrin trajnime bazë ushtarake, të mësojnë përdorimin e kallashnikovit dhe granatës, të japin ndihmën e parë në betejë si dhe të marrin mësime vetëmbrojtjeje.
Si pjesë e kursit, adoleshentëve do t’u kërkohet të merren me “aktivitete ekstremiste dhe terroriste”, të bëhen të dhunshëm kur siguria e tyre kërcënohet dhe të neutralizojnë rrezikun në mjedisin digjital./vizionplus.tv/
