Edhe studentët e Universitetit Bujqësor në Tiranë kanë dalë në protestë kundër rritjes së çmimeve të produkteve bazë të shportës dhe burimeve të energjisë.
Pas bojkotimit të procesit mësimor, ata kanë marshuar në rrugë, duke vështirësuar qarkullimin e automjeteve në zonën e Institutit Bujqësor.
Ata kanë bërë thirrje që qeveria të marrë masa të menjëhershme për përballimin e krizës.
Gjatë paradites, edhe studentët e Korçës protestuan kundër rritjes së çmimeve.
