Një tjetër autor është kapur nga Policia e Vlorës për kontrabandën e 50 sirianëve nga Vlora në drejtim të Italisë me gomone.
31-vjeçari me iniciale Q.I dyshohet se ka strehuar në banesën e tij në fshatin Trevllazër klandestinët që kishin ardhur nga Tirana, e të cilët do iknin për në Itali me rrugë detare.
Pak ditë më parë u arrestua pronari i një hoteli në Tiranë, Fatos Dushe, me akuzën se në hotelin e tij strehoi 50 sirianët e kapur në grykëderdhjen e lumit Vjosa, teksa gomonia e tyre pësoi avari.
