Strategjia e re, studentët këmbëkryq në rrugët kryesore të Korçës e Elbasanit

Studentet kanë nisur të përshkallëzojnë protestën e tyre ndaj Ministrisë së Arsimit, në përpjekje për ta detyruar qeverinë “Rama” që të plotësojë kërkesat e tyre.

Nëse në Tiranë protesta është e heshtur dhe me letra të bardha në duar, ndryshe ndodh në rrethe.

Në Korçë studentet të mbështetur nga gjimnazistet bllokuan Unazën e qytetit në pjesën veriore të saj duke marshuar per gati 10 km. Me flamuj shqiptarë në duar dhe me thirrje e pankarta të ndryshme ata u ulën në rrugë duke mos lejuar kalimin e mjeteve.

Edhe në Elbasan, protesta këtë të mërkurë është përshkallëzuar.

Për herë të parë studentet bllokuan rrugët duke shkaktuar një kaos të madh në trafik sidomos ne aksin Elbasan-Bradashesh qe te çon drejt Tiranes.

Edhe në Elbasan, të rinjte mbanin në duar flamuj shqiptar dhe kënduan këngë patriotike.