Stop importit të mishit nga rajoni

Ministria e Bujqësisë ka marre vendim per bllokimin e importit te gjësë se gjalle dhe mishit nga disa vende te rajonit. Shkak është bere nje sëmundje qe ka prekur disa nga këto shtete. Behet fjale per “dermatozën nodulare”, e cila rezulton se ka prekur gjene e gjalle ne Turqi, Maqedoni, Kosove, Serbi, Bullgari dhe Greqi. Sipas Ministrisë kjo sëmundje paraqet rrezikshmëri për përhapje edhe në vendin tone. Me urdhër të ministrit Edmond Panariti, është ngritur një task forcë, e përbërë nga veterinerë dhe epidemiologë për informimin, parandalimin dhe monitorimin e përhapjes së dermatozës nodulare. Ministria e Bujqësisë i bën thirrje fermerëve të sinjalizojnë per çdo dyshim për prezencën e kësaj sëmundje pranë Drejtorive të Bujqësisë në të gjithë vendin, ose pranë shërbimit veterinar. Panariti i ka kërkuar qeverise nje fond te posaçëm per blerjen e vaksinës.