Stoltenberg viziton Shkupin

Sekretari i përgjithshëm i NATO-s, Jens Stoltenberg, pritet të nisë sot vizitën dy ditore në Maqedoni. Sipas axhendës, ai do të takohet me presidentin maqedonas Gjorge Ivanov, kryeministrin Zoran Zaev, ministrin e punëve të jashtme, atë të mbrojtjes, si dhe me liderin e zgjedhur të VMRO-DPMNE, Hristijan Mickovski. Më pas ai pritet të mbajë nesër edhe një fjalim para deputetëve në parlamentin maqedonas. Vizita e Stoltenberg në Shkup përkon me nisjen e bisedimeve për çështjen e emrit me Greqinë.