Stoltenberg: Finlanda do të anëtarësohet zyrtarisht në NATO në ditët e ardhshme

Finlanda do t’i bashkohet NATO-s zyrtarisht në ditët e ardhshme, tha të premten Sekretari i Përgjithshëm Jens Stoltenberg bëri me dije se Finlanda do t’i bashkohet NATO-s zyrtarisht në ditët e ardhshme. Ky vendim vjen pas dakordësisë së arritur ms Turqisë dhe Finladës dhe dritën jeshile nga Erdogan, pas ratifikimit të anëtarësimit të Finlandës në NATO.

“Të 30 aleatët e NATO-s kanë ratifikuar tani protokollin e anëtarësimit”, tha Stoltenberg në një video të postuar në Twitter. “Finlanda do të sjellë shumë për Aleancën tonë”, shtoi ai.

Stoltenberg dha gjithashtu një notë optimiste për shanset e Suedisë për t’u bashkuar me aleancën. Suedia dhe Finlanda paraqitën një aplikim të përbashkët në NATO menjëherë pas pushtimit të Ukrainës nga Rusia.

“Të gjithë aleatët pajtohen se një përfundim i shpejtë i procesit të ratifikimit për Suedinë do të jetë në interesin e të gjithëve,” shkroi ai në Twitter. “Mezi pres të mirëpres edhe Suedinë si një anëtare e plotë e familjes së NATO-s sa më shpejt të jetë e mundur.”

Megjithatë, Turqia nuk ka treguar nëse do të miratojë anëtarësimin e Suedisë në NATO.

Presidenti turk Rexhep Tajip Erdogan ka thënë më parë se Turqia nuk do të miratojë anëtarësimin e Suedisë në NATO, nëse vendi nuk ekstradon “terroristët” me kërkesë të Turqisë.

Suedia e ka bërë të qartë se kjo nuk do të ndodhë dhe për momentin, procesi ka ngecur.

Hungaria po e mban gjithashtu ofertën për anëtarësim të Suedisë. Të mërkurën, zëdhënësi i qeverisë hungareze Zoltán Kovács tha se kishte një sasi të madhe ankesash që duhet të adresohen përpara se të ratifikohej oferta e Suedisë.