NATO përplaset serish me Moskën per konfliktin sirian. Sekretari i përgjithshëm i Aleancës se Atlantikut Verior, Jens Stoltenberg, akuzon Rusine se po pengon bisedimet e Gjenevës per paqen ne Siri, përmes sulmeve ajrore mbi kete vend.
“Sulmet intensive nga ajri te Rusisë, qe kane ne shënjestër kryesisht grupet opozitare ne Siri, po i minojnë përpjekjet per gjetjen e nje zgjidhjeje politike per konfliktin. Rritja e pranisë ruse dhe aktivitetet ajrore ne Siri, po rrisin tensionet me shkeljen e hapësirës ajrore turke dhe shkeljen e hapësirës ajrore te NATO-s. Kjo krijon rreziqe”.
Stoltenberg e shprehu kete shqetësim përpara nisjes se takimit te ministrave te Mbrojtjes se vendeve te Unionit ne Amsterdam. Bisedimet e paqes ne Gjeneve u nderprere ne fillim te kësaj jave, pasi forcat qeveritare siriane, te mbështetura nga sulmet ajrore ruse, ndërmorën nje ofensive te re kundër forcave rebele ne qytetin verior te Alepos. Ne negociatat e ndërmjetësuara nga OKB opozita kishte kërkuar ndaljen e luftimeve dhe bombardimeve mbi civilet, per sa kohe qe do te vijonin bisedimet.

Leave a Reply

Your email address will not be published.