Stërvitja e NATO-s në Shqipëri/ Niko Peleshi pret gjeneralin amerikan

Në kuadër të stërvitjes “Defender Europe 21”, ministri shqiptar i Mbrojtjes, Niko Peleshi priti në një takim zyrtar komandantin e ushtrisë amerikane në Europë dhe Afrikë general Christopher Cavoli.

Gjenerali u njoh me masat e marra nga vendi ynë për mbarëvajtjen e kësaj stërvitjeje të rëndësishme.

Ministri Peleshi u shpreh besimplotë se do të shërbejë si gur themeli për çuarjen përpara dhe intensifikimin e stërvitjeve dypalëshe.

Stërvitja “Defender 21” është cilësuar si një mundësi e shkëlqyer që ushtarakët shqiptarë dhe ata amerikanë, të stërviten së bashku në mënyrë që ata të jenë të aftë që në të ardhmen të përballojnë sfidat, po së bashku.