Sterilizim për qentë e rrugës

Qentë e rrugës, një shqetësim i përhershëm për banorët e kryeqytetit, tashme do te trajtohen në një klinikë veterinare. Kryebashkiaku Erjon Veliaj inauguroi hapjen e saj në zonën e Kombinatit. Klinika është ngritur ne bashkëpunim me një grup vullnetarësh të përbërë nga veterinerë, te cilët kane nisur punën për sterilizimin e qenve. Veliaj tha se bashkia po aplikon një model qe ka funksionuar në të gjitha vendet e zhvilluara. Sipas kryebashkiakut kjo është një zgjidhje e qëndrueshme, e cila ofrohet pas 25 vitesh. Institucioni përgjegjës për kliniken është Agjencia e Mbrojtjes së Konsumatorit.