Stephen Curry mrekullon në NBA

Stefen Curry shkruan historinë ne NBA. Falë një paraqitje te paharrueshme, fenomeni i Golden Steit realizoi 12 tre-pikesha përball Oklahoma City Thunder. Tre pikëshin e fundit Curry e realizoi ne sekondën e fundit te kohës shtese të sfidës. Dhe për me tepër ishte një trepikësh që i la kundërshtaret të shastisur dhe tifozët të mrekulluar, sepse u realizua nga gjysma e parketit. Prezantimi i radhës i mrekullueshëm i talentit te Golden State ne NBA ishte nën shenjen e rekordeve. Jo vetëm që barazoi legjendat Marshall dhe Brajant me numrin 12 tre trepikësha të realizuara në një ndeshje te vetme, por ai shënoi edhe një numër rekord pikësh 46 në një takim në historinë e këtij ekipi. Madje Curry u ngjit ne 288 pike të shënuara brenda një sezoni nëpërmjet trepikëshave, gjë e cila në shifra të tilla kurrë më parë nuk ishte arritur në historinë e ketij sporti në SHBA. Menjëherë pas kësaj mbrëmje fenomenale, ishte Le bron James legjenda ende aktive e NBA që përgëzoi Stefen Curryn, duke thëne se kurrë me parë nuk ka parë një basketbollist të këtij niveli, ndërsa Magic Johnson tha se ai mund te behet me i miri. Nderkohe Golden State fale fitores ne shtesat kundër Oklahoma City tunder thyen nje tjetër rekord, duke u bere skuadra qe siguron me shpejt se kushdo tjetër kualifikimin per ne Play Off-et e NBA.