Kompeticioni, i cili sfumon çdo turne tjetër me prestigjin e ti, kualitetet, emocionet surprizat dhe spektaklin, Uefa Champions League starton sot ne platformën Tring me takimet e para te fazës ne grupe. Qe nga sot zyrtarisht emrat potente te futbollit evropian do te jene ne ndjekje te kampioneve ne fuqi te Realit per te zbritur nga froni i mbretit te kontinentit plake. 8 takime ne katër grupet e para dhe qe ne fillim ne fushe zbresin emrat pretendente si Barcelona, Bajern, Paris Sg, Manchester City dhe Arsenal. Ne grupin e mbrëmjes se sotme ne grupin C, katalanasit e Barcelonës sfidojnë skocezet e Selltik. Skuadra e Luis Enrikes vjen nga nje humbje e papritur ne kampionat ndaj Alaves, ndërsa kërkon ta nis me këmbe te mbare turneun me prestigjioz te botes. Edhe ne ketë ndeshje spanjollet do te bazohen tek treshja e arte Mesi-Neymar-Suarez. Ndërkohe emocione pritet te rezervoje edhe takimi tjetër i grupit mes Manchester City dhe Borusia Monchengladbah. Tekniku Pep Gardiola qe ne muajt e pare duket se ka futur nje fryme tjetër te kjo skuadër dhe kjo u duk edhe ne derbin e Manchesterit kur Citizens fituan ne Old Traford me rezultatin 2-1. Për anglezet pritet te debutoje Ilkay Gundogan i cili është rikuperuar plotësisht, por edhe Serxhio Aguero i cili mungoje ne derbi. Nje sfide mjaft interesante pritet te jete ajo mes Paris Sg dhe Arsenalit te dy lojtareve me origjine shqiptare Granit Xhaka dhe Shkodran Mustafi. Per parisienët nje test i vërtete tashme me trajnerin e ri Unaj Emeri dhe pa Zlatan Ibrahimovic kete sezon. Ndërkohe përballja tjetër e këtij grupi është ajo mes Bazel te Taulant Xhakes dhe Ludogorec. Me interes pritet edhe Bajerni kete radhe i Karlo Ancelotit, i cili pas disa viteve dështim ne Champions do te kërkoje t’i dhuroje bavarezeve titullin me te rendesishem ne karriere. Gjermanet sfidojnë ne shtëpi ruset e Rostov qe nga ana e tyre surprizuan jo pak teksa eliminuan holandezet e Ajaks. Përballja tjetër është ajo mes Psv Eindhoven dhe nenkampioneve te europes Atletiko Madrid. Dy ndeshjet e fundit i përkasin grupit B: Benfika – Beshiktash dhe Dinamo Kievit – Napoli. Ne platformën Tring HD te apsionuarit e futbollit do te kenë mundesi te ndjekin live dhe ekskluzivisht sfidat e ekipeve me te rëndësishme, ndërsa nje kanal është i përcaktuar per golat dhe rastet me emocionuese te mbrëmjes minute pas minute.
Starton faza e grupeve të Champions League
