Finalet e Kampionatit Europian nisin sot zyrtarisht me sfidën hapëse France-Rumani e programuar ne orën 2:00 ne “Stade De France” te ST Denis. Janë edhe dy skuadrat kundërshtare te kombëtares shqiptare ne grupin A se bashku me Zvicrën. Skuadra e Didier Deshamsp është mes favoriteve, te paktën kështu është cilësuar nga specialistet për fitimin e trofeut, ndërkohe qe 11-shja e Angel Jordanskut, nuk mund te konsiderohet nje kundërshtar i lehte, duke pare qe është kualifikuar deri ne kete faze duke realizuar 5 fitore dhe 5 barazime ne kualifikueset dhe per me tepër ka pësuar vetëm dy gola. Organizatoret e Francës ne historinë e tyre e kane fituar dy here evropianin ne vitin ’84 dhe 2000. Te ashtuquajturit “gjelat” asnjëherë nuk janë mundur nga Rumania ne garat zyrtare ne rolin e mikpritësit ndërkohe qe kane fituar ne 3 nga katër rastet ne takimet hapëse te nje kompeticioni. Ne “Stade De France”, “gjelat” luajnë per here te 33, ndërsa ndjehen komod me 21 fitore dhe 8 barazime e vetëm 3 humbje. Për here te pare ne histori ne një event te tille merr pjese edhe Shqipëria, e cila ndeshjen e pare e ka me Zvicrën ditën e shtune, nje takim qe eshte cilësuar si nje derbi mes shqiptaresh per shkak te shume lojtareve me origjine shqiptare ne kampin kundërshtar. Gjithsesi, sipas specialisteve, Shqipëria është kuotuar e fundit per te bere nje surprize e mundshme ne ketë evropian. Nje analize qe nuk është mare mire nga legjenda franceze Erik Kantona, i cili ka mbrojtur kuqezinjtë.

Rreziku i atentateve terroriste dhe grevat e përgjithshme, duket se kishin kaluar ne plan te dyte një tjetër alarm per organizatoret huliganizmin. Një fenomen qe dukej se nuk do te kishte preokupim te veçante. Por përsëri qyteti i Marsejës me te njëjtët huliganet angleze, ashtu si ne vitin 1998. Ditën e djeshme ashtu si 18 vite me pare, ne rrugët e Marsejës është pare e njëjta skene: tifozë angleze te dehur, shkatërrime lokalesh me te vetmen risi: pyetja e tyre ku është ISISI? Policia franceze u mundua te ndërhynte me shpejtësi duke shpërndare 200 angleze me gaz lotsjellës, por tashme i druhet ne orët ne vazhdim një reagimi te tifozëve lokale marsejeze. Te shtunën ne Velodrom, Anglia do te përballet me kombëtaren ruse.

Leave a Reply

Your email address will not be published. Required fields are marked *