Takimi i gjashtë i Komunitetit Politik Evropian po zhvillohet këtë të premte, (16 maj) në Sheshin Skënderbej në Tiranë.
Në fjalën e tij, Keir Starmer, Kryeministëri i Mbretërisë së Bashkuar tha në Samitin e Komunitetit Politik se ka ardhur koha që të gjitha vendet të jenë të bashkuara.
“Emigracioni është një sfidë që duhet të përballemi së bashku. Është koha të punojmë së bashku. Procesi po jep rezultate. Dje isha në portin e Durrësit dhe pashë si forcat e Mbretërisë po bashkëpunojnë me forcat e Shqipërisë. Megjithatë, duhet bërë edhe më shumë. Në këto kohë luhatjesh e pasigurish, Mbretëria do të marrë rolin e vet në skenën botërore duke mbështetur paqen në Europë”, tha Starmer.
Liderët e 47 vendeve dhe organizatave evropiane janë mbedhur sot për një samit njëditor në kryeqytetin e Shqipërisë, për të diskutuar sfidat e sigurisë dhe mbrojtjes në të gjithë kontinentin, me agresionin e plotë të Rusisë ndaj Ukrainës në krye të agjendës./vizionplus.tv
