Në një kohë kur numri i të infektuarve po bie ndjeshëm, shumë vende në Europë si Italia apo Anglia kanë filluar që tani me përgatitjen e impianteve për rikthimin e tifozëve. Federata italiane ka konfirmuar se finalja e Kupës së Italisë Atalanta-Juventus, në datën 19 maj në “Mapei Stadium” do të ketë në shkallët e stadiumit 4.300 sportdashës .
Një lajm që kishte kohë që pritej nga të gjithë tifozët italianë, mirëpo sigurisht edhe në këtë ndeshje, kufizimet dhe masat anti-COVID nuk do të mungojnë. Liga ka vendosur që vetëm personat që kanë bërë vaksinën apo që kanë certifikatën përkastëseë se e kanë kaluar COVID-19 do të lejohen të hyjnë në stadiume.
Ndërsa sa i përket pjesës tjetër të popullatës që nuk e kanë kaluar COVID-19 dhe nuk i zotërojnë këto dokumenta do t’u nevojitet të kryejnë një test apo tampon brenda 48 orëve që verteton se personi në fjalë nuk ka shqetësime nga koronavirus.
Ndërkaq zhvillime ka pasur dhe në Angli, ku vetë kreu i Ligës Rixhard Masters dha lajmin e mirë se nga sezoni tjetër do të mirëpresin tifozët në stadium me kapacitet të plotë. Në fakt në kampionatin anglez, vendimi për rikthmin e sportdashësve në stadium u bë publik disa kohë më parë kur federata vendosi që dy javët e fundit të kampionatit do të luhen me tifozë. Bëhet fjalë për 10 mijë fansa, të cilët do të kenë mundësi të shohin nga afër skuadrën e tyre të zemrës.
Finalja e FA Cup mes Chelsat dhe Leisterit është një nga testet e radhës për federatën angleze. Një duel që programuar për tu luajtur këtë të shtunë në “Uemblei” me 21 mijë tifozë.
