Filmi “Spotlight” dhe “The Revenant” kanë triumfuar në mbrëmjen e çmimeve “Screen actors guild” ne SHBA, të cilat fokusohen te aktorët dhe janë pararendës të çmimeve oskar. Drama “Spotlight” është vlerësuar për harmoninë dhe performancën më të mirë të stafit të aktorëve, një ndër çmimet kryesore të këtij festivali. Premiera bazohet në investigimin që gazeta “Boston globe” i ka bërë skandalit të Kishës Katolike lidhur me abuzimet ndaj të miturve në vitin 2001. Ndërkohë, çmimin e aktorit më të mirë protagonist e ka marrë Leonardo Di Caprio me thrillerin “The revenant”. Ai mundu konkurrencën e Jhony Deep me filmin “Black mass” dhe Bryan Kraston ne premierën “Trumbo”. Me ketë çmim, Leonardo Di Caprio hedh një tjetër hap të rëndësishëm për të marrë çmimin Oskar, të parin në karrierën e tij. Çmimet “Sag”, jepen nga federata e artistëve të radios dhe televizionit në SHBA, e cila vë në qendër të vlerësimeve aktorët.
