Sportingu i Lisbonës mori një fitore shumë të vështirë por të çmuar në takimin përmbyllës të javës së 24 të kampionatit portugez. Skuadra e Jorge Jesus mundi 1 me 0 në shtëpi Moreirenesen e vendit të fundit, në një takim të transmetuar në platformën Tring.
Kryeqytetasit ia dolën të marrin tre me pike me shume vlera në garën për titullin kampion megjithëse e mbyllen sfidën me 9 lojtarë. Pas kësaj fitoreje Sportingu ndodhet ne kuotën e 56 pikëve pikë aq sa ka edhe Benfica, ndërsa Porto e vendit të parë është 5 pikë larg.
Rastet më të mira në pjesën e parë për të zotët ë shtëpisë i patën Brian Ruiz dhe Bruno ferndsdez por pa mundur dot të shënojnë. Në të dytën miqtë ishin shumë më kërcënues. Fillimisht iu anulua një gol nëpërmjet teknologjisë ndërsa pak çaste me vonë portieri Rui Patriso bëri një reagim spektakolar duke mos lejuar Moreirensen të shënonte.
Në minutën e 57 Sportingu pati një nga shanset më të mira me Gelson Martins por portieri mik reagoi bukur.
5 minuta më vonë Petrovic la luanët e Lisbones me 10 lojtarë por pavarësisht kësaj Sportingu në minutën e 92 ia doli të realizoje golin e shumëpritur me anë të Gelson Martins, top i cili u devijua edhe nga mbrojtja mike.
Për festimin e tij duke hequr bluzën, sulmuesi vendas mori edhe kartonin e dytë të verdhe çka i kushton shtrenjte mungesën në supersfiden e javës së ardhshme ndaj Portos, në Do Dragao, një ndeshje e vërtete me arome titulli.
