Gara për titullin kampion në Portugali, vijon të jetë e bukur dhe me luftë të forte sportive mes tre ekipeve të mëdha të këtij vendi. Sporting i Lisbones falë fitores 1 me 2 në transferte me Estoril ka rimarrë vendin e parë në klasifikim me 62 pikë. Kjo situatë, do të vijojë të jetë të paktën deri këtë të hënë në mbrëmje kur Benfica ka shansin të ridalë në krye nëse mposht në shtëpi në Tondelen e vendit të fundit. Sporting ndërkohe e pati me te lehte sesa pritej ndeshjen me Estoril në transferte duke zgjidhur gjithçka në 45 minuta falë dopietes së algjerianit Islam Slimani. Per vendasit shënoi golin e nderit Leo Bonatini në minutën e 79. Fitore e çmuar edhe për Porton që mposht 3 me 2 Uniao Madeiren dhe qëndron në korsine e garës për titullin kampion edhe pse është e treta dhe 4 pikë më pak sesa Sporting i Lisbones. Kjo ndeshje ka qenë shumë me e bukur dhe me rivalitet. Porto shkoi deri je avantazhin 2 me 0 me golat e Abubakar dhe Herreres në minutat 27 dhe 51, por miqtë falë dopietes së Danilos në minutat 62 dhe 67 barazuan rezultatin. Megjithatë fund ishte Hezus Korona që shënoi golin trepikesh për të zotët e shtëpisë që mbajnë gjalle shpresa për titullin kampion.

Leave a Reply

Your email address will not be published. Required fields are marked *