Sporting fillon shkëputjen në krye

Sporting i Lisbones nisi shkëputjen ne krye te renditjes se përgjithshme ne kampionatin portugez te futbollit. Ne javen e 16, skuadra e Jorge Jesus fitoi me rezultatin e thelle 6-0 ne Setubal ndaj Vitoria, duke u shkëputur ne vend te pare me 4 pike tashme nga dy ndjekësit e Benfikes dhe Portos. Ne sfidën e transmetuar drejtpërdrejt ne platformën Tring, miqtë nuk e diskutuan per asnjë çast fitoren duke shënuar dy gola ne pjesën e pare me Slimani dhe Cezar. Dominim total edhe ne pjesën e dyte nga pretendentja numër nje për fitimin e titullit kampion per kete sezon duke gjetur edhe kater here te tjera rrjeten, gola qe mbajten firmat e Slimani Mario Cezar dhe italiani Alberto Akuilani. Fitorja e Sportingut u be akoma dhe me e bukur pas barazimit surprize ne Do Dragao te Portos 1-1 ndaj Rio Aves. U duk se do te ishte nje ndeshje e lehte për vendasit kur ne minutën e 22 kapiteni Herrera me nje gjuajtje potente mposhti portierin kundërshtar. Por 11 minuta me vone Zhoao Novais surprizoi portierin Kasijas duke e çuar topin ne rrjete. Nje rezultat qe nuk do te ndryshonte deri ne fund te takimit. Dragonjtë tashme jane me pike te barabarta me Benfiken qe nga ana e saj shpartalloi Maritimon 6-0.