Ministrja e Shtetit për Marrëdhëniet me Parlamentin, Elisa Spiropali u shpreh e sigurt se Partia Socialiste do të korrë një fitore historike në zgjedhjet parlamentare të 2021.
Në “Facebook”, ajo komentoi edhe detyrën e re që ju ngarkua nga PS.
“Partia Socialiste🌹 fillon përgatitjet për një fitore historike mbi shpifjen, sherrin dhe politikën e baltës. Për mandatin e tretë me Kryeministër Edi Ramën💪 Nder që m’u besua drejtimi politik i qarkut Tiranë. E lumtur që në bashkinë Tiranë përgjegjësinë e lartë do e ndajmë me lali Erin dhe Ervinin, dy miq dhe drejtues të shkëlqyer. Shqipëria dhe shqiptarët meritojnë të vazhdojnë në rrugën e transformimit dhe zhvillimit. S’ka kthim pas!”
Një ditë më parë, grupi parlamentar i PS u mblodh para nisjes së sezonit të ri politik.
Gjatë mbledhjes, u vendos që kryeministri Edi Rama do të jetë drejtues politik i qarkut të Durrësit, ndërsa ish-ministri Ilir Beqaj drejtues politik në qarkun e Shkodrës.
Lindita Nikolla u vendos si drejtuese politike në Lezhë, Safet Gjici në Kukës dhe qarku i Tiranës do të ndahet mes Erion Veliajt, Ervin Bushatit dhe Elisa Spiropalit.