Spiropali: Meta e ka tepruar, i gjithë populli do t’i jepte leksion po të ishte në sallë

Duke veçuar momentin kur ka hedhur votën pro shkarkimit të Ilir Metës nga karriga e presidentit, ministrja Elisa Spiropali tha se ai e meritonte një vendim të tillë.

Spiropali u shpreh në rrjetet sociale se i gjithë populli shqiptar do të kishte vepruar njësoj, po të ishte në sallën e Parlamentit.

“+104 ✅????????

Aq e ka tepruar Ilir Meta, sa sikur në këtë sallë të ishte i gjithë populli shqiptar, s’do kishte mbetur kush pa i dhënë leksionin e merituar:

Shkarkimin nga ajo detyrë e nderuar që e shpërdoroi me papërgjegjshmëri të skajshme.

Zbritjen nga karrigia e lartë që e përdhosi me ndërgjegje të plotë.”