Gola dhe spektakël në aktin e parë të gjysmëfinales së Champions League mes Manchester City dhe Real Madrid.
Dueli i transmetuar në Tring, prodhoi 7 gola për një fitore 4 me 3 të anglezëve, të cilët shkojnë pas një jave në Madrid me një avantazh të lehtë, ndonëse sikurse tregoi edhe dueli në Manchester, në këtë çift është e vështirë të bësh parashikime.
Skuadra e Guardioles konfirmoi aftësinë e jashtëzakonshme të dominimit në lojë të kundërshtarit përmes filozofisë së trajnerit të saj në mbajtjen e topit, pasimet në zonë të ngushta dhe të qenit agresiv në luftën për topin e parë.
Qytetarët shënuan shumë shpejt me anë të De Brojne, i cili realizoi me kokë në portën e De Gea.
Madrilenët nuk patën kohë të reagonin sepse u goditën për të dytën herë brenda pak minutash, kësaj radhe përmes një lëvizje të bukur të Gabriel Jesus, që finalizoi po vetë në portën mike.
Anglezet janë totalisht dominues por humbasin raste të tjera të shkëlqyera për shënim me anë të Mahrez, Foden dhe Zincenko. Mirëpo Reali godet vendasit në momentin më të mirë të tyrin dhe e bën përmes një bomber si Karim Benzema i aftë të nxjerrë nga repertori një gjuajtje fantastike për të mposhtur Ederson. Muzika nuk ndryshon as në fraksionin e dytë,. Me djemtë e Guardioles që bëjnë lojën, dhe vendosin në panik prapavijën madrilène.
Shtylla fillimisht ndal Mahrez, dhe më pas Karvahal heq topin nga vija fatale,. Mirëpo goli i tretë është vetëm çështje kohe dhe pas një pasimi të Fernandinjos është Foden që e dërgon në rrjetë. Gol që ndez motorët e Realit duke e bërë ndeshjen jashtëzakonisht spektakolare, një show i vërtetë për këdo që e shijoi nga stadium dhe nga televizori. Viniciues përmes një inkursioni personal realizon një gol për kornizë.
Mirëpo me të njëjtën monedhe I përgjigjet edhe Bernardo silva nga ana tjetër për t’i çuar shifrat ne 4 me 2. E nëse dikush mendoi se me kaq mbaroi, gaboi. Sepse reali edhe pse me një episode, pra me 11-metërsh shënoi sërish, këtë herë me një kryevepër të Benzema nga pika e bardhe e penalltisë.
Sa shumë klas dhe guxim duhet që të realizosh me stilin panenka në gjysmëfinale championsi në fushë kundërshtare.
Vetëm një si Benzema mund ta marrë përsipër. Në fund përtej rezultatit 4 me 3 mbeten duartritjet, ato për futbollin që dhuruan dy skuadra fantastike, me dy trajner të mëdhenj, të cilët i dhanë dorën njeri-tjetrit duke i lënë takim pas një jave në Bernabeu, aty ku do diskutohet bileta e finales së Parisit.
