Dënimi me 26 vjet burg i ish komandantit Sali Mustafa nga Gjykata Speciale nuk është pritur mirë nga qytetarët në Kosovë.
Analisti Blerim Burjani në një lidhje me edicionin e lajmeve në Vizion Plus u shpreh se veterantë kanë paralajëmruar protesta, teksa këtë dënim e ka cilësuar si të pabazuar në fakte dhe prova konkrete.
Burjani tha se vendimi i Gjykatës së Posaçme do të shkoj në Apel, ku shtoi se nëse dorëzohen prova të reja Mustafa do të fitojë lirinë.
“Vendimi i Gjykatës Special është befasues dhe ndonjë herë si diçka e papritur, vendim i pabazuar në fakte.
Një dënim me 26 vjet burg është i pa arsyeshëm. Jam i çuditur nga i kanë gjetur ato fakte që të dënojë një njeri sikur ka bërë një vepër të rëndë gjenocidi.
Ky gjykim do të apelohet. Vendimi mund të ndryshojë. Ai mund të shpallet edhe i pafajshëm nëse ka prova dhe fakte të reja. Kjo trupër gjykuese ka nxjerrë një vendim shumë i rëndë, është si burgim i përjetshëm. Asnjë s’po e kupton si ka ardhur kjo gjykatë deri në këtë vendim.
UÇK nuk ka pasur mundësi të bëjë krime të kësaj natyre. Në Kosovë edhe pse është tensionuar situate do ruhet gjakftohtësia.
Situata është e rëndë. Veteranët e luftës kanë deklaruar se do dalin në rrugë”, tha ai.
