Ministri i Punëve të Brendshme Oliver Spasovski është shprehur se nëpër institucionet shtetërore ende ka forca, ku sipas tij destruktive që dëshirojnë që ndikojnë negativisht në rezultatin e referendumit.
Ndër të tjera ministri Spasovski ka thënë se asnjë nga këta persona që mendojnë se janë mbi ligjin, nuk do të shpëtojnë pa u përgjigjur para organeve kompetente, nëse me ose pa qëllim përziejnë profesionin e tyre me politikën, transmeton Alsat.M. Megjithatë, edhe pas zërave të ndryshme se edhe elementë policorë të politizuar tentojnë të mos përmbushin detyrat e ngarkuara, Spasovski tha se politizimi nuk do të gjejë vend në strukturat policore.
Ndërsa në lidhje me dyshimet se ata që janë pozicionuar kundër referendumit mund të tentojnë të prodhojnë incidente, qoftë edhe me mjetet e tyre apo të mbështetura nga strukturat e huaja, Spasovski largoi dilemat për kyçjen e tyre në procedurën e referendumit.
Gjithashtu ministri ka thënë se Maqedonia është e sigurt nga ndikimet e shteteve të huaja dhe se institucionet shtetërore që janë të angazhuara për zbatimin e referendumit, nuk do e lejojnë një gjë të tillë.
