Spanja urdhëron 14 ditë karantinim për çdo person që hyn në vend

Spanja ka vendosur karantinim 14 ditor për të gjithë të huajt që hyjnë në vend. Kjo masë do të aplikohet duke filluar që nga 15 maji.

Karantinimi i udhëtarëve që vijnë nga shtetet e huaja bëhet në përpjekje për të frenuar përhapjen e koronavirusit.

Autoritetet bëjnë me dije se të gjithë udhëtarët që hyjnë në Spanjë do të qëndrojnë për 14 ditë të mbyllur dhe do të dalin vetëm për të blerë ushqime, si dhe për të vizituar qendrat shëndetësore në rast nevoje.