Qeveria spanjolle do të rihapë disa aeroporte në disa ishuj dhe në pjesën jugore të vendit për udhëtime ndërkombëtare, njoftoi të shtunën Ministri i Transportit Jose Luis Abalos. Më shumë detaje për këtë vendim ai pritet të japë të dielën.
“Nesër unë do të nënshkruaj një rezolutë në mënyrë që aeroportet e Tenerife Sur, Alicante-Elche, Sevilla, Menorca dhe Ibiza të bëhen gjithashtu të afta për të trajtuar urgjencat ndërkombëtare të shëndetit publik. Pak nga pak, qendrat e tjera do të hapen.”
Spanja kufizoi pikat e hyrjes për udhëtime ndërkombëtare pasi vendosi një bllokim të rreptë mbarëkombëtar për të ndaluar përhapjen e koronavirusit.
Kufizimet qeveritare të udhëtimit jo-urgjent do të vazhdojnë deri më 15 qershor, sipas qeverisë së Spanjës.
